افكر في زماني عام يجري ويلحق عام
وإقدار نفسي في ابيض اللوح مسطوره
اقدم خير ولا شر بتسجل الأقلام
عسى ما تخطه يسعد العين جمهوره
نطارد بهالدنيا لكن الوعد قدام
نفوسن تضيق وغيرها نفوس مسرورة
فرق بينها ماقدمت خير ولا اجرام
ياحظ النفوس اللي من الذنب مغفوره
هل الخير كانوا في حمى الدين كالأعلام
واحدهم عن الاسلام يعكس صفا الصورة
ليا قال يوفي بالوعد ماخلف الأحكام
ولا يكشف عيوبن عن الخلق مستوره
تصافقبه الارياح مع قسوة الأيام
لوحده صمد والناس مرضى ومقهورة
على مذهبه ثابت مادور غلى وهيام
ولا همه ضعيف يوسع في حنجوره
يدوس الحنش والعقربه دوس بالأقدام
ويمشي ومايبغاه يقدحه من شوره
هذا بين النشاما عرف للعايلة لطام
بكفه مطايا الجود في الوقت منحوره
وهل الشر زاغوا بعد ما أخطوا هدى الإسلام
وإبصارهم عميت وهي مبصره نوره
هل الشرك وأهل الكذب ومعقدة أسيام
وأدراجهم مليا ملفات محظورة
ملفات كشفت وأنعرف سرها ما دام
بياض الثياب الضافية جات مطرورة
وملفات فيها قات ومزورة أختام
رشاوي مع البخشيش تستر عرى العورة
وملفات فيها ألغام وملحمة بلحام
بلاوي بها وأموات في اللحد مقبوره
يمر الزمن و البوم للعالية ما رام
يبى ينهض وصخف الجناحين مكسورة
حياته طويلة بس تفرق عن الأكرام
ونفسه على سكة هل الشر مجرورة
هاذي الحقايق واضحة ماتبي إعلام
لكن العرب صارت محطات مدمورة
تشوف الغلط صحين ولا الصحيح خمام
موازين بالتطفيف والغش مشهورة
ليا فكرت في دنيا الفلس ماتت الأحلام
وعندي يضيق الكون أرضيه وبحوره
م
ن
ق
و
ل
